МЭДЭЭЛЛИЙН АЮУЛГҮЙ БАЙДЛЫН БОДЛОГО Компани нь өөрийн болон хэрэглэгч, хамтран ажиллагч байгууллагуудын бүхий л мэдээллийн хөрөнгүүдийн Нууцлал, Бүрэн бүтэн, Хүртээмжтэй байдлыг хангаж ажиллана. Компани нь үйл ажиллагааны явцад цуглуулж, боловсруулан, хадгалж буй Маш нууц, Нууцад хамаарах мэдээллийн хөрөнгүүдийг зөвшөөрөлгүйгээр задруулах, өөрчлөх, устгахаас хамгаалагдсан байна. Компани нь мэдээллийн аюулгүй байдлын эрсдэлийг буруулахын тулд олон улсын стандартыг нэвтрүүлж, сайн туршлагын дагуу мэдээллийн аюулгүй байдлын эрсдэлийн удирдлагын арга, аргачлалыг боловсруулж, үйл ажиллагаандаа хэрэгжүүлэн, тогтмол сайжруулж, үүсэх эрсдэлээс урьдчилан сэргийлэх арга хэмжээ авч ажиллана. Мэдээллийн аюулгүй байдлын бодлогын хүрээнд дараах зорилтуудыг тавьж ажиллана. Үүнд: Мэдээллийн аюулгүй байдлын удирдлагын тогтолцоог бий болгож, хэрэгжүүлэх; Кибер халдлагаас хамгаалах технологийн хамгаалалтыг сайжруулах; Ажилтнуудын мэдээллийн аюулгүй байдлын ойлголт, мэдлэгийг дээшлүүлэх.

Сүүлийн 5 жилд нийт 119.7 тэрбум төгрөгийн татвар, шимтгэлийг төвлөрүүлснээс 2024 онд 29.7 тэрбум төгрөгийн татварыг тус бүр улсын төсөвт оруулсан байна. Энэ жил ажилчдын тоогоороо 5-д шалгарсан бол нийт эрэмбээ өмнөх оноосоо таваар урагшлуулж ТОП #13-т орсноор өөрсдийн шинэ амжилтыг тогтоолоо. Энэ бол бид нартай хамтран ажилладаг бүхий л бүтээгдэхүүн нийлүүлэгч байгууллагууд, үнэ цэнтэй ажилчид болон биднийг сонгон үйлчлүүлдэг та бидний хамтын амжилт билээ. Бид цаашид үйлчилгээний салбарын стандартыг шинэ түвшинд авчран, цаг ямагт чанартай бүтээгдэхүүнийг хэрэглэгчдэдээ санал болгон, нийгэмдээ эерэг нөлөөлж, монголын зах зээлд бодит хувь нэмрийг оруулсан хэвээр байх болно. ДИЖИТАЛ КОНЦЕПТ ХХК

GS25 сүлжээ дэлгүүр үндсэн дэлгүүрийн ажилчдынхаа дунд 'Rise Together 2025' уралдааныг зохион байгуулсан байна. Энэ уралдаан нь GS25 дэлгүүрийн үйл ажиллагааг сурталчлах, ажилтнаа идэвхжүүлэх, тогтвортой хүний нөөцийг бүрдүүлэх зэрэг олон ач холбогдолтой аж. Ингээд гурван сар үргэлжилсэн уралдааны үр дүн гарч шилдгүүдээ шалгарууллаа. Тус уралдаанд 2497 ажилчин оролцсоноос 11 шилдэг ажилчин шалгарч их дээд сургуулийн тэтгэлэг, гадаад улс руу аялах эрхээр шагнагдсан байна. Мөн GS 25 сүлжээ дэлгүүрийн хувьд Монгол Улсын шилдэг 100 аж ахуйн нэгжийн нэгээр шалгараад байгаа юм. Захиргаа хүний нөөцийн дарга Г.Дөлгөөн: Монгол Улсын ТОП 100 аж ахуйн нэгжийн 13-д эрэмбэлэгдсэн энэ бахархам амжилт бол зөвхөн бизнесийн тоо үзүүлэлт бус, бидний соёл, манлайлал, хамтын үнэ цэний бодит үнэлгээ гэж харж байна. Энэ амжилтыг бий болгосон хамгийн гол хүчин зүйл бол дэлгүүр дээр ажиллаж буй 2497 ажилтны маань өдөр тутмын тууштай, хариуцлагатай хөдөлмөр юм. Тийм ч учраас бид 'Rise Together 2025' уралдааныг зохион байгуулсан. Энэ бол энгийн болзолт уралдаан биш. Энэ бол бидний ирээдүйн стратеги, хүний төвтэй соёл, гүйцэтгэлийг урамшуулах шинэ арга барил юм. Бид EBIT, хорогдол, үйлчилгээний чанар, апп ашиглалт, ажлын цагийн үр ашиг зэрэг бизнесийн гол үзүүлэлт дээр сайн жишиг тогтоож байгаа ажилтнуудаа онцлон үнэлсэн. GS25-д бидний баримталдаг зарчим бол боломж нь тэгш, өсөлт нь бодит байх ёстой. Манлайлал бол зөвхөн удирдах албан тушаал биш өдөр бүрийн ажил, хандлага, нөлөөллөөр хэмжигддэг чадвар гэж бид итгэдэг. Өнөөдрийн амжилтад хувь нэмэр оруулсан бүх ажилтнууддаа гүн талархал илэрхийлье. GS25 бол хамтын амжилтаар урагшилдаг брэнд. Санхүү эрхэлсэн захирал Э.Намуунсайхан: Бидний стратегийн зорилт болох EBIT, хорогдлын бууралт, апп ашиглалтын идэвх, үйлчилгээний стандарт, чанарын гүйцэтгэл, ажлын цагийн зохистой менежмент зэрэг үзүүлэлтүүд зөвхөн удирдлагын түвшинд биш, дэлгүүр бүрийн түвшинд хэрэгжиж, хэмжигдэж, сайжирч байгаа нь манай системийн онцлог. Тиймээс эдгээр үзүүлэлт дээр бусдыгаа манлайлж буй ажилтнуудаа урамшуулах зорилгоор 'Rise Together 2025' болзолт уралдааныг 3-6-р сарын хооронд зохион байгуулсан. Нийт 2497 ажилтан хамрагдаж, бодит гүйцэтгэл дээр суурилсан үнэлгээгээр ялагчдаа тодруулсан. Энэ уралдаан бол зөвхөн шагналын тухай биш өөрийнхөө ажлаар манлайлах боломж, эрх тэгш хөгжлийн орчин бий болгож буй соёлын илэрхийлэл юм. Манай олон ажилтан залуус, оюутнууд байдаг учраас бид тэдний ирээдүйд чиглэсэн 6 сургуулийн тэтгэлэг, 5 аяллын эрх зэргийг шагнал болгон гардуулж байгаа. Энэ бол зүгээр нэг урамшуулал биш, ирээдүйд чиглэсэн хөрөнгө оруулалт юм. Санхүүгийн хувьд бид ажилтнуудад хөрөнгө оруулалт хийх тусам байгууллагын бүтээмж, үйл ажиллагааны өгөөж шууд сайжирч байгааг харж байна. Иймээс бид үр өгөөжөө зөв тооцдог, өсөлтөө хүмүүстэйгээ хамт бүтээдэг байгууллага байхыг эрхэмлэдэг.

Дэлхийн олон орны тренд бүтээгдэхүүнийг “GS25” ая тухтай дэлгүүр хэрэглэгчдэд ойртуулан, цаг үеэс хоцролгүй алхах боломжийг олгодог билээ. Хааяа нэг бэлэн гоймон идмээр санагдсан үед шууд чанаад идэх боломжтой төхөөрөмжүүдийг GS25” ая тухтай дэлгүүр салбарууддаа нэмж байршууллаа. Таны завгүй амьдралыг хөнгөвчлөх, хурдан бөгөөд тухтай үйлчилгээ үзүүлэх зорилгоор ийнхүү гоймонгоо шууд чанаад идэх боломжтой цэгийн тоог нэмлээ . GS25” ая тухтай дэлгүүрт байрлуулсан тусгай зориулалтын халуун усны машин, аяга, таваг, амтлагчийн булан зэргийг ашиглан хэрэглэгчид сонгосон гоймонгоо тэнд нь шууд чанаад идэх боломжтой. Мөн нэмэлт хачир, хамт идэхэд тохиромжтой бүх зүйлс нэг дор байгаа нь илүү хялбар юм. Өмнөд Солонгосын Хөдөө аж ахуйн хүнсний бүтээгдэхүүний танилцуулга төв (AT) болон “ K-Food” байгууллагын дэмжлэгтэйгээр илүү олон төрлийн солонгос гоймон, зууш, бэлэн хоолны бүтээгдэхүүнийг дэлгүүрүүдэд туршиж үзэх, амталж сонгох боломж нэмэгдэж байна. Мөн олон олон урамшууллаар баялаг өдрүүдэд “GS25” дэлгүүрээр зочлоорой.

УРИАЛГА Насны хязгаарлалттай бүтээгдэхүүн болох электрон тамхи, утаат тамхи, согтууруулах ундаа зэргийг худалдан борлуулахдаа иргэний бичиг баримтыг шалгаж хэвшье. Хяналттай худалдаа явуулж, хуулийн хэрэгжилтийг ханган ажиллацгаая

Монголын эдийн засгийн хөгжилд хамгийн том хувь нэмэр оруулдаг уул уурхайн салбарын "Mining Week & MinePro 2024" Олон улсын уул уурхайн үзэсгэлэн, чуулга уулзалтад 15,000 гаруй зочин хүрэлцэн ирж амжилттай зохион байгуулагдлаа. GS25 ая тухтай дэлгүүр нь хэрэглэгчдийнхээ хэрэгцээт зүйлсээр үйлчилгээ үзүүлэн энэхүү арга хэмжээнд оролцсон бөгөөд манай асраар ороод гарсан нийт үйлчлүүлэгчдэдээ баярлалаа

Сүүлийн 4 жилд нийт 90-н тэрбум төгрөгийн татвар, шимтгэлийг төвлөрүүлснээс 2023 онд 13 тэрбум төгрөгийн татварыг улсын төсөвт оруулсан байна. Энэ бол бид нартай хамтран ажилладаг бүхий л бүтээгдэхүүн нийлүүлэгч байгууллагууд, үнэ цэнтэй ажилчид болон биднийг сонгон үйлчлүүлдэг та бидний хамтын амжилт билээ. Бид цаашид үйлчилгээний салбарын стандартыг шинэ түвшинд авчран, цаг ямагт чанартай бүтээгдэхүүнийг хэрэглэгчдэдээ санал болгон, монголын зах зээлд бодит хувь нэмрийг оруулсан хэвээр байх болно. ДИЖИТАЛ КОНЦЕПТ ХХК

GS25-ын шинэ салбар 120 мянгат Khan bank tower-н 3 давхарт нээгдлээ. Даваа-Баасан гарагт 07:00-22:00 цаг хүртэл ажиллана.

НҮБ-ийн тогтвортой хөгжлийн зорилгын нэг болох хүн бүрд бүрэн, бүтээмжтэй ажил, зохистой хөдөлмөр эрхлүүлэх зорилгын хүрээнд GS25 - Дижитал Концепт ХХК нь хөгжлийн бэрхшээлтэй иргэдийн хөдөлмөр эрхлэлтийг дэмждэгээс гадна тухайн ажилтны нас, хүйс, шашин шүтлэгийг үл хамааран хүн бүрд хүртээмжтэй хүний нөөцийн бодлогыг хэрэгжүүлж байна